नैं चुका सकब ई ऋण …………………………………

कतबो जनम लेब अहि धरती,
नैं चुका सकब तोहर एहसान,
जिनगी तोरे चरण निछावर,
करबै हम तोरे पर मान ||1||

नौं-नौं मास उदर मs रखलें,
तैं दै छी तोरा सम्मान,
तोरे कोंख जनम भेल हमर,
आई करी हम से अभिमान ||2||

हाथ दुलारक माथ पर दs कs,
बढा देलैं हमर तू शान,
गलती कतबो करी जँ माता,
नैं तू बुझिहैं हमरा आन ||3||

हमरा भीतर जे संस्कार पलई अछि,
से तू हमरा देलैं दान,
ओई दिन धरती ज्वाला भ जरतै,
जँ क्यो करत मातृ -अपमान ||4||

सुनू हे पाठक! कलम कहै अछि,
सुनू खोलि क दूनू कान,
मातृ रूप मs देवी के पुजियौन,
नैं त भूमि बनत श्मशान ||5||

••••••• Manish Jha