सजना हमर मनमोहना@प्रभात राय भट्ट

सजना हमर मनमोहना@प्रभात राय भट्ट

हे ययो दुलरुवा सजना हमर मनमोहना,

अहाँ बिनु दिन राईत हम काटैछी कहुना,

बितल अषाढ़ एलई देखू सावन के महिना,

संगीसहेली सभक आबिगेलय प्रियतम पहुना,

मिलल नजैर अहाँ संग  हमर जहिया स:,

अहाँ बिनु दिल लगैया नए हमर तहियाँ स:,

बड़ मुश्किल स: हम दिन राईत काटैछी,

सद्खैन सजना अहाँक बाट तकैत छि,

टुनिया मुनिया चुटकुनिया के भेलई वियाह,

पुनिया ललमुनिया के द्वार  एलई बराती,

मुदा हम बनल छि संगी सभक सराती,

नीन्द स: उठी उठी गबैछी हम पराती,

यी सभ देखिक मोन कटैय हमर अहुरिया,

हम कहिया बनब अहाँक घर क बहुरिया,

हे ययो दुलरुवा सजना हमर मनमोहना,

अहाँ बिनु दिन राईत हम काटैछी कहुना,

एसगर राईतमें नुका नुका श्रृंगार करैछी,

लाल लाल चुनरी ओढ़ी हम पेटार करैछी,

मोने  मोन हम सोचलौ यी बेकार करैछी,

फेर अपने हाथे श्रृंगारक उज्जार करैछी,

हम तडपैछी जेना ज़ल बिनु तडपैय मीन,

जाईगजाईग प्रात: करैछी उडीगेल आईखक निन,
सजना निरमोहिया राखु हमर स्नेहक लाज ,

जल्दी स: लक आऊ बराती संग शाज बाज , 

रचनाकार:-प्रभात राय भट्ट